poètes et histoires patoisantes .
Poèmes patoisants ou histoires Avesnoises vécues .
----------------------------------
Chés mingeux d'maguettes.
On n'in palle tout partout , chés gins i n'sont pon sots
chaquin si fort qui seuche à toudis b'zouon d'inne bête
St Roch il a sin tien , St Antoine , sin pouchau
Arro il a sin lion , avine il a s'maguette .
Ech comte Robert d'Artouo , il a mis su ch'blason
Deux lévriers courants , des lys , inne échauguette
Mais il éreu fouo miu aveuc pu d'réflexion
sur un bio champs de gueules , d'y mette inne belle maguette .
L'histoire al nous raconte équ'nin no bien longtemps
ch'étouo la granne mizeure . pu rien din chés z'assiettes
In minjouo ed'l'herpe verte à quatte pattes din chés camps
A Avinne pu malin y minjouettent del maguette .
Mais ichi ,au villache , in n'est pont des ingrats
Et pou s'ramintuvoir , qu'in a eu des loquettes
Din ch'saloir na inne truie , in pourchau , in verrat
Pi in éliève chés gosses aveuc du lait d'maguette .
El diminche na in chint qui vont juer au fotbal
Na des gros , na des n'tits , n'in no ché d'z'écalettes
A trinte kilométes d'ichi , in z'appelle " chés nanals "
I z'ont si caire ech lo ,equ'chés "mingeux d'maguette "
Quant 'chés jonnes i s'maritent , ché comme in granne tripée
Si in peux pu minjer in n'in met d'in s'musette
Faut huit jours pour s'inrmette , in n'peux pont y écaper
Surtout si pou ch'jour lo in tué in maguette .
Ach 'qui parait , qu'in dit nin n'a pont rien d'meilleu
Et d'tous ché le d'Avinne ,ché leu pu belle conquête
Et i n'in minjrouottent bien sur el tête d'in tigneux
In n'a pont b'zouond'caviar quand in a del maguette .
Ach't'heure din chés banquets ch'est tout des jus couteux
ché des congélateurs , nin n'mie pi d'tinette !
In n'chra pu assuré , j'amouo aussi heureux
Equ'du temps d'nous tayons qu'in minjouo del maguette .
Aujoud'hui , ché fini ! La culture ch'est pon gai !
El 'progrès à tout tué et il a fouo plache nette
Na pu qu'ech gros Michel , v'la qui r'cache in maguette
Pour li s'rincrinquiller d'inne tite cinse à maguettes .
R. Ducroquet .
(ch'gros Michel , = Forgez , ch'porteux d'gazettes .)
------------------------------------
Mes noces d'or.
D'pu ch'matin al piquette et pi core jusqu'à ch'vèpe ,
O sommes el 15 décimpe , ch'est in jour mémorape.
Car na jusse chinquante ans , qu' fin rétru , fin praccèpe
Qu'in sa marié à déwe . chinquante ans ! pon creuyape !
A ch't' heure vis qu'j'ai l'basse vue , j'bavelle su min giyet
Tout jusse bon feumant m'pipe , à inrbatte es z'ottons
A 20 ans , j'porteu pon ech pot au sabouret !
J'éteu core garchonal , qu'o cachouommes à meurons
A chinquante ans d'mariache , nin no qui font des jus ,
Des jubilés , qui dittent ,et pi core des noces d'or .
Nous z'aute ,qu'o n'sommes pon crane ,pi in moneu panchu
S'inrnouvleu pi faire guinsse , n'a d'kouo n'y attraper s'mort.
Mais pour mette inne pierre blanque sur in'ne journeu parèle
O z'allons foire à dèwe in bio pélerinache
In prangère , sans s'foire vire , ech ti lo dè z'Annelles,
Du qu'ch 'est qu'pou l'première fouo , in s'a mis à l'ouvrache .
Té mettro t' n' écorcheu et pi et ' calipette ,
Et pi té fra les mêmes ed 'cueillir des lachrons
Pi mi , tu duchett' mint , j'min irai pa l'relette
Trécoper ché patures pi l' tramin'ne à Léon .
Jen 'voreu pon surtout equ'tout chlo s'ésclandiche
Ché gins y sont grignards , i dirouottent "à leu ache"
I sont sots nou vouozins , i z'ont l'fu à leu k'miche
In intindreu huit jours berdonneu din ch' villache
Mais à vous mes amis , ech peux vous l'raconteu ,
Aveuc tous chés progrès , v'la qu'in n'est pu sortape
Et i faut qu'ech vous diche , sans nous démépriseu ,
Quand on vient viu comme nous , ben ch'est pon guérichape .
V'nu chaquin par sin k'min , adont , nou vlo ach bo
Marie comme inne archelle ,mais mi déjo bien matte
Pi comme n'a chinquante ans , ech prin m'fin'me din mes bros
J'el l'imbrasse à bouquette . Comme j'éteu malapatte ! !
Nin o des jus qui s'pertent pi Marie ! increuyape !
A s' vervinouo autant qu'in ver din del soyure
J'fouo in po in arrière , étant comme no capape
Ed pu frotteu ses fesses , as z'épinnes d'ech' l'hayure
Ouais mais , vla qu'cha y r' prin , tout comme inne tic nerveusse
" Mais quouo qui s'passe Marie ? inne michorelle qui t' pique !
Na chinquante ans , vingt noms , et ' n' éteu mie sie r'vleusse !"
" Mais n'aveu pon non pu ed 'cloture électrique ".
R. Ducroquet .
(Sur une histoire ed ti Louis d' Peuplingues)
------------------------------------
El 'légende d'ech Saint Sacremint .
Ch'est in quater vingt diche
Equ' chés gins qui racantent
qui n' falleu pu qu'in diche
Pour sûr " Avesnes le comte"
Car pou ch'dernier baptème
din ch'léglise déloqu'tée
In a décidé même
D' "Avesnes l'égalité"
In dévalle ché trouo cloques
Pour in foir des n 'tits sous
Et in démelle ché loques
D' Saint Antoine ed 'Padou
In débrinque tous ché saints
In les querque à carette
Et même qu'ech brave doyen
A du foir es 'musette
In travailleu l diminche
Mais pon el décadi
El char , falleu qu'in l'minge
D'préférence el verdi ;
Ech viu doyen Cochet
Qui courreu sur chint ans
I resteu bien muché
Par du si méchant temps .
Mais , et o z'alleu l' vire
Pour pont resteu in raque
Il alleu accomplir
In léwarou d' miraque .
Adont , in agozil
In vrai voyou d' galère
Aveu mis l'fu à l' Ville
Jusse pour foir del finquère .
Tout ch' quartier d ' parinyo
N' éteu pu qu 'in infer
Pont d 'pompiers ni pont d iau
Et ché flammes pour lumière .
Chés masons , l' époque
Eteutent couverts in palle
Pont d' tocsin car pu d 'cloque
Et ch' vin éteu à couales.
Ed 'la sorte , ché certain ,
Avinne deveu brûler
Mais tout d 'in kiwe n 'a in
Qui va kère ech curé .
" V' nez tout d suite , M 'sieu l' doyen
Aveuc ch' saint Sacremint
Car ,nin a pu moyen
D' in sortir autremint "
Ech bon curé Cochet
Qui fajeu ses bagages
S 'efforche d' es dégrouiller
Malgré ses nids d'agaches .
Arrive sur les liu
Pitié ! Miséricorde !
Tout partout ch 'éteu l fu
Des flammes qui montent , qui s'tordent !
Alors , d 'es ' ostensoir
Derché pa d 'su chés gins
Montent in gran' ne finquère noire
L ' fu s 'arrête , ch 'est certain .
Tout Avin'ne ,su ses g 'noux
Fajeu " au nom du Père"
Os 'z 'éreut ' vu tertous
Es 'rapeler leu pater .
Ch 'est comme no , qu 'Robespierre
Faillichant à s 'mission
N 'a pont mis l 'première prière
Ed zou s 'déesse " Raison " .
R. Ducroquet .
ce poème raconte l'histoire vécue de l'incendie qui ravagea Avesnes le comte (a cette époque révolutionnaire c'était Avesnes l'égalité) en 1790 la nuit du 22 au 23 avril , et illustré par le vitrail du choeur de l'église du même lieu .
----------------------------------
In 'n pa d' jours edvant Pâques ;
In ramonant ch'gernier
J'ai r' truvé m' n 'écalette
Din ché toiles d'araignée
Din l' poussière pa d 'su s 'tête
J'ai frotteu duchmint
Aveuc in 'ne méchante loque
Et jé m 'su raplé qu mint
Qu' in rimplachouo chés cloques
A s' bédler din chés raques
In 'n pa d' jours edvant Pâques.
Du judi au sam' di
Aveuc es éfants d 'choeur
In sam 'nouo pour midi
In sam 'nouo pour chinq heures
Au matin pou l 'basse messe
Au vèpe pou l 'angélus
Au bien pou l' confesse
Je n' seu pu bien au jusse
Toudis , qu' fallouo qu 'in saque
In 'n pa d' jours édvant Pâques .
Ajouqué sur l' banquette
Tout au bout d ' esch gernier
J' ai r' jué d'em n'écalette
Faite d 'in du bo d 'peumier
Comme n 'in n 'a chinquante ans
Je l'ai core din m 'n 'orelle
C' pindant cha fouo longtemps
Mais , ché toudis parel
Ses trouos marteaux qui claquent
In n' pa d 'jours édvant Pâques .
R. Ducroquet .
A Suivre .......................
----------------------------------
Chés mingeux d'maguettes.
On n'in palle tout partout , chés gins i n'sont pon sots
chaquin si fort qui seuche à toudis b'zouon d'inne bête
St Roch il a sin tien , St Antoine , sin pouchau
Arro il a sin lion , avine il a s'maguette .
Ech comte Robert d'Artouo , il a mis su ch'blason
Deux lévriers courants , des lys , inne échauguette
Mais il éreu fouo miu aveuc pu d'réflexion
sur un bio champs de gueules , d'y mette inne belle maguette .
L'histoire al nous raconte équ'nin no bien longtemps
ch'étouo la granne mizeure . pu rien din chés z'assiettes
In minjouo ed'l'herpe verte à quatte pattes din chés camps
A Avinne pu malin y minjouettent del maguette .
Mais ichi ,au villache , in n'est pont des ingrats
Et pou s'ramintuvoir , qu'in a eu des loquettes
Din ch'saloir na inne truie , in pourchau , in verrat
Pi in éliève chés gosses aveuc du lait d'maguette .
El diminche na in chint qui vont juer au fotbal
Na des gros , na des n'tits , n'in no ché d'z'écalettes
A trinte kilométes d'ichi , in z'appelle " chés nanals "
I z'ont si caire ech lo ,equ'chés "mingeux d'maguette "
Quant 'chés jonnes i s'maritent , ché comme in granne tripée
Si in peux pu minjer in n'in met d'in s'musette
Faut huit jours pour s'inrmette , in n'peux pont y écaper
Surtout si pou ch'jour lo in tué in maguette .
Ach 'qui parait , qu'in dit nin n'a pont rien d'meilleu
Et d'tous ché le d'Avinne ,ché leu pu belle conquête
Et i n'in minjrouottent bien sur el tête d'in tigneux
In n'a pont b'zouond'caviar quand in a del maguette .
Ach't'heure din chés banquets ch'est tout des jus couteux
ché des congélateurs , nin n'mie pi d'tinette !
In n'chra pu assuré , j'amouo aussi heureux
Equ'du temps d'nous tayons qu'in minjouo del maguette .
Aujoud'hui , ché fini ! La culture ch'est pon gai !
El 'progrès à tout tué et il a fouo plache nette
Na pu qu'ech gros Michel , v'la qui r'cache in maguette
Pour li s'rincrinquiller d'inne tite cinse à maguettes .
R. Ducroquet .
(ch'gros Michel , = Forgez , ch'porteux d'gazettes .)
------------------------------------
Mes noces d'or.
D'pu ch'matin al piquette et pi core jusqu'à ch'vèpe ,
O sommes el 15 décimpe , ch'est in jour mémorape.
Car na jusse chinquante ans , qu' fin rétru , fin praccèpe
Qu'in sa marié à déwe . chinquante ans ! pon creuyape !
A ch't' heure vis qu'j'ai l'basse vue , j'bavelle su min giyet
Tout jusse bon feumant m'pipe , à inrbatte es z'ottons
A 20 ans , j'porteu pon ech pot au sabouret !
J'éteu core garchonal , qu'o cachouommes à meurons
A chinquante ans d'mariache , nin no qui font des jus ,
Des jubilés , qui dittent ,et pi core des noces d'or .
Nous z'aute ,qu'o n'sommes pon crane ,pi in moneu panchu
S'inrnouvleu pi faire guinsse , n'a d'kouo n'y attraper s'mort.
Mais pour mette inne pierre blanque sur in'ne journeu parèle
O z'allons foire à dèwe in bio pélerinache
In prangère , sans s'foire vire , ech ti lo dè z'Annelles,
Du qu'ch 'est qu'pou l'première fouo , in s'a mis à l'ouvrache .
Té mettro t' n' écorcheu et pi et ' calipette ,
Et pi té fra les mêmes ed 'cueillir des lachrons
Pi mi , tu duchett' mint , j'min irai pa l'relette
Trécoper ché patures pi l' tramin'ne à Léon .
Jen 'voreu pon surtout equ'tout chlo s'ésclandiche
Ché gins y sont grignards , i dirouottent "à leu ache"
I sont sots nou vouozins , i z'ont l'fu à leu k'miche
In intindreu huit jours berdonneu din ch' villache
Mais à vous mes amis , ech peux vous l'raconteu ,
Aveuc tous chés progrès , v'la qu'in n'est pu sortape
Et i faut qu'ech vous diche , sans nous démépriseu ,
Quand on vient viu comme nous , ben ch'est pon guérichape .
V'nu chaquin par sin k'min , adont , nou vlo ach bo
Marie comme inne archelle ,mais mi déjo bien matte
Pi comme n'a chinquante ans , ech prin m'fin'me din mes bros
J'el l'imbrasse à bouquette . Comme j'éteu malapatte ! !
Nin o des jus qui s'pertent pi Marie ! increuyape !
A s' vervinouo autant qu'in ver din del soyure
J'fouo in po in arrière , étant comme no capape
Ed pu frotteu ses fesses , as z'épinnes d'ech' l'hayure
Ouais mais , vla qu'cha y r' prin , tout comme inne tic nerveusse
" Mais quouo qui s'passe Marie ? inne michorelle qui t' pique !
Na chinquante ans , vingt noms , et ' n' éteu mie sie r'vleusse !"
" Mais n'aveu pon non pu ed 'cloture électrique ".
R. Ducroquet .
(Sur une histoire ed ti Louis d' Peuplingues)
------------------------------------
El 'légende d'ech Saint Sacremint .
Ch'est in quater vingt diche
Equ' chés gins qui racantent
qui n' falleu pu qu'in diche
Pour sûr " Avesnes le comte"
Car pou ch'dernier baptème
din ch'léglise déloqu'tée
In a décidé même
D' "Avesnes l'égalité"
In dévalle ché trouo cloques
Pour in foir des n 'tits sous
Et in démelle ché loques
D' Saint Antoine ed 'Padou
In débrinque tous ché saints
In les querque à carette
Et même qu'ech brave doyen
A du foir es 'musette
In travailleu l diminche
Mais pon el décadi
El char , falleu qu'in l'minge
D'préférence el verdi ;
Ech viu doyen Cochet
Qui courreu sur chint ans
I resteu bien muché
Par du si méchant temps .
Mais , et o z'alleu l' vire
Pour pont resteu in raque
Il alleu accomplir
In léwarou d' miraque .
Adont , in agozil
In vrai voyou d' galère
Aveu mis l'fu à l' Ville
Jusse pour foir del finquère .
Tout ch' quartier d ' parinyo
N' éteu pu qu 'in infer
Pont d 'pompiers ni pont d iau
Et ché flammes pour lumière .
Chés masons , l' époque
Eteutent couverts in palle
Pont d' tocsin car pu d 'cloque
Et ch' vin éteu à couales.
Ed 'la sorte , ché certain ,
Avinne deveu brûler
Mais tout d 'in kiwe n 'a in
Qui va kère ech curé .
" V' nez tout d suite , M 'sieu l' doyen
Aveuc ch' saint Sacremint
Car ,nin a pu moyen
D' in sortir autremint "
Ech bon curé Cochet
Qui fajeu ses bagages
S 'efforche d' es dégrouiller
Malgré ses nids d'agaches .
Arrive sur les liu
Pitié ! Miséricorde !
Tout partout ch 'éteu l fu
Des flammes qui montent , qui s'tordent !
Alors , d 'es ' ostensoir
Derché pa d 'su chés gins
Montent in gran' ne finquère noire
L ' fu s 'arrête , ch 'est certain .
Tout Avin'ne ,su ses g 'noux
Fajeu " au nom du Père"
Os 'z 'éreut ' vu tertous
Es 'rapeler leu pater .
Ch 'est comme no , qu 'Robespierre
Faillichant à s 'mission
N 'a pont mis l 'première prière
Ed zou s 'déesse " Raison " .
R. Ducroquet .
ce poème raconte l'histoire vécue de l'incendie qui ravagea Avesnes le comte (a cette époque révolutionnaire c'était Avesnes l'égalité) en 1790 la nuit du 22 au 23 avril , et illustré par le vitrail du choeur de l'église du même lieu .
----------------------------------
In 'n pa d' jours edvant Pâques ;
In ramonant ch'gernier
J'ai r' truvé m' n 'écalette
Din ché toiles d'araignée
Din l' poussière pa d 'su s 'tête
J'ai frotteu duchmint
Aveuc in 'ne méchante loque
Et jé m 'su raplé qu mint
Qu' in rimplachouo chés cloques
A s' bédler din chés raques
In 'n pa d' jours edvant Pâques.
Du judi au sam' di
Aveuc es éfants d 'choeur
In sam 'nouo pour midi
In sam 'nouo pour chinq heures
Au matin pou l 'basse messe
Au vèpe pou l 'angélus
Au bien pou l' confesse
Je n' seu pu bien au jusse
Toudis , qu' fallouo qu 'in saque
In 'n pa d' jours édvant Pâques .
Ajouqué sur l' banquette
Tout au bout d ' esch gernier
J' ai r' jué d'em n'écalette
Faite d 'in du bo d 'peumier
Comme n 'in n 'a chinquante ans
Je l'ai core din m 'n 'orelle
C' pindant cha fouo longtemps
Mais , ché toudis parel
Ses trouos marteaux qui claquent
In n' pa d 'jours édvant Pâques .
R. Ducroquet .
A Suivre .......................
Aucun commentaire:
Enregistrer un commentaire