Ech nouviau rich' veut marier s' file
A in qui l' euch tout plan d'écus
In à in chés paris défilent
Mais personne enn'satisfoët ch'viux
I gn'in foroët in craimint sur em'sur
In biau fiu fort biau ,fort ,riche et boën coq
Aveuc in tel père et file all' est sure
Dé n'jamoës truver l' cauchure qu' à l' vo.
26) El nuit d'noces .
El premièr'nuit ed sin mariache
pour tertous ch'est in rud 'souvenir
Ech mariant i s'élieffe à nache
In diroët qui s'in vo mourir
Ess finm al i dit mon diu min Baptiste
I t'faut pon grand cos 'pour et' mettre à plot
Mais l'aute aussitôt li répond tout triste
Ouvrir grand ess bouqu''n' est poët tinn sin bro .
27) Chés effets d'ech mariache .
Après tros quat s 'mann 's ed ménache
Ech l'homme y march' tout abaché
Ess finme all' veut el m'ner à Biache
Afin d'el foir bien rinqueucher
I no plus gramint ed cul dins s'maronne
Et presque plus rien dins sin potalon
Chés brav'gins d' Avesnes y dittent à tout l'monne
Baptiste à coup sûr i l'o ch' coup d' cotron .
28) Ché la mote .
a Avesnes in dit qu'ch' est la mote
D'alleu vir chés finm's ed chés z' autes
Ch'est in système assurémint
Fort pratique et qui foët du bien
Pratiqu' pour chés homm's pratique pour chés finmes
Car au s'douteu bien equ' tout l 'monne foët l 'minme
Chou qui faut surtout chés gramint d' sang frod
Savoir bien cujir et n' pon ête ed bos .
29) In quitte sin villache
In biau jour l'in quitte sin villache
Et s'in vo foir fortinne ailleurs
Mais bien vite il est pris dins l' lâche
Ch'n' est qu' ermords déboires et malheurs
In n' o vu aussi pour foire à leu tête
Qui ont délaisseu leu pus proch' parint
A ch' t' heure in les voët v' nir chucher d'el tête
Et v' nir quer' tout plan et ravitallemint .
30) Resteu à Avesnes .
Mes amis resteu à Avesnes
N'quittez pon in si biau païs
Tous nou pères ont passeu leu rène
Au mitan d'in vrai paradis
queuqu' zins dins chés jonn's attirés à l' ville
Sont r' v' nus tout péneuds deux tros ans après
Tout chés gins d' Avesnes ch' est inn grand' famille
Inn' famille uni qui n doët pon s 'quitter .
31) Chés finmes et l'occupation .
Y o queuqu's ins qui sont mal conduit 's
A Avesnes tout comme à Paris
I in ' o m'emme et cha leu mérite
qui ont du passeu la visite
In soldat ,in vert ou bien in kaki
Si vous foët du bien ch' est bien mal acquis
La guerre est vraimint in cose infernale
L'amour ch' ro toudis internationnale .
32) Ech comache .
Quand in vo vir el 'finme des autes
Faut s'atteinne à ête pris in jour
Alors i faut expier ses fautes
Et j'vous jur' qu' ech n' est pus d' l'amour
Ein belle foët au vêpe ein tout 'jonne équipe
Varo à vou port' pour vous castroleu
Pindant plus d'deux heur' s ein 'drol' dé musique
Vous échouiro cha porro compteu .
33) Chés abris .
Des abris tout partout in fouot
Dins l'Neuf rue et à ch' château d'eau
A ch'ju d'paume et à Pouchinière
A ch's'écoles et dins chés carrières
In s' creuroët ar' v' nu aux temps d'chés catelains
Qui vivoët 'nt alors dins leus souterrains
I faut espérer qu' à dix mèt's zou terre
Ous n 'périrons pont des suit's ed guerre .
34) Chés réfugiers .
Pour adouchir vous dur' souffrance
Réfugiés in veut vous s 'courir
Pour ardrêcher nous pauvré' france
Chaquin doët vive et non morir
Habitant d'Avesne's retés à vous taffe
Accepter des gins qui ont tout quitté
Offrez leu ein pièche et non ein taffe
ch' est in d'voir pour nous , faut s'in acquitter .
35) Nous prijonniers (2)
Prijonniers ch' est toudis la guerre
Et 's vous foëts pour souffrir sur terre ?
qu'elle est durte et l' séparation
Mais bientôt varo l 'solution
Dins vous baraqu'mint ch'est louon d'ête el fête
Car souvint ous s'mettez martel in tête
Ous pinsez toudis à vous inochins
A vous finm ' tout ' seule et à vous viux gins .
36) L'arrivée d'chés ingleux . (septembre 1944)
A l'arrivée d' chés Britaniques
Gramint d'homm's printent leus fusiques
Pour pourchager tous chés All'mands
qui s' débinn'nt à travers chés camps
I 'nn sont pus lô fier ainsi qu'in quarante
Et in n's ardrèch' pus comme in coq qui cante
I's s'rintèrent tertous pour sauver leu piau
El 'belle armé's vert' n' est pus qu'in troupiau .
37) Amour collaboration .
Pour fêter chés premiers ingleux
Pour punir queuqu's feimm 'in moneu
In pourmonn complèt'mint tondues
Din n Avesne's des fil' presque nues
Cha les apprindro d'avoir tout donneu
A des agozils trop vit' pardonneu
Après l' leçon chi ch'ront-ell's tertous saches ?
Parl'ro -t-on cor d'euss dins tous chés villaches ?
Jeux de fête .
38) Ech quévron .
Su'ch'marqué in quévron es drêche
tout querqué ed jus à gagner
a coteu chaqu'grimpeux s'dépêche
d'implir ses poch's ed fin gravier
v'lo l'premier qui mont'mais i reste in raque
car ein couche ed zièpe arcoeuffe ech'quévron
in l'intind s'forcer téguer comme ein'vaque
et tout in poussant implit ch'patalon .
39) Ech ju d'paielle.
Après ch'quévron ch'est ju d'paielle
qui o lieu plach' d'ech château d'eau
ch'garde Alphonse in t'nue officielle
in vrai chef dirige ech ju lo
i prind ein 'paielle sin cul est plan d'suille
et i coll' lo d'ssus ein pièche ed vingt sous
alors in garchon ou bien ein 'jonn'file
doët aveuc es 'langu' l ' preinne ed 'vant tertous .
40) Ech ju cuvelle .
Comme in s'noirchit à ch'ju d'paielle
vite après in vo à l'cuvelle
pour attraper intre ses dints
in bouchon qui danse harimint
j'vous assure mes gins qué ch'est pont facile
car ech garchonpète est lo qui vous mile
pour vous intiquer vou têtejusqu'au fond
vous foute in boursiau tout in hiaut d'vou front .
41) Ech fu d'artifice .
Thobois nou capitain'pompier
o réussi à mett sur pied
in fu d'artifice à ch'ju d'paume
pour y attirer gramin d'monne
chés jonnes 's gins profit 'nt ch'est la vérité
pour es rapprocher ech l'obscuriteï
et pis tout d'in cop deux ou tros fuseuës
surprint 'nt in défaut des fil's artrousseuéïs
Les fêtes.
42) Saint Nicolas .
chés éfants portent leu assiette
le soleu ou bien ein 'mand'lette
car ch'est l'nuit chi qu'Saint Nicolas
pass'du chuque et du chocolat
a chés jonn's bien sach's qui mett'nt des carottes
pour sin viux baudet i donn'gramint d'jux
a'ch'z 'insupportap's ch' baudet laich'ses carottes
cha les apprindro à s'conduirent miux .
43) Ch'réveillon ;
In o quer à fair'réveillon
bien minger et m'ner rigodon
ch'est pou ch'lo qu' l'vingt quat' décimpe
chés fêteux né s' couqu' nt pont trop timpe
à onze eur's au vêpe in minche ech dindon
in mète ed boudin ou bien in'ojon
arrouseu d'vin caud et d'ein bonn'bistoulle
pis à l'messe minuit in voët tout qui s'broulle .
La vie .
44) Ch'mariache sorte d'ech l'église.
Pon d'gross 'caisse et pis pont musique
ch'est seul'mint aveuc un fusic
qu'in acclam'toudis chés mariants
quand i's'sort 'nt dé l'messe tout riant
et marié trannant sin douogt su l'gachette
tir sin premier cop in fajant risette
alle o dins ses bros tout ein querque ed fleurs
alle inganmp'chés cord 's sans maux ni douleurs ;
45) A in jonne cinsier qui n'veut pont s'marié
Pourquoë resteu célibataire ?
ch'est absurd' quand in treuff viv'mint
ein jonne fil's qui o quer la terre
car alors ch'est in biau plach'mint
mais l'aute ed répond jé n'sus pont ein poire
pour nourrir ein finme i faut être rintier
jusqu'à nouvel ordre i continu'ra d'foire
min traval à l'man comme chés p'tits cinsiers .
46) l'progrès.
Nous taïons en'voyoët 'nt jamoës
nous grammèr 's porteu moëns d'neuf moës
mais à ch't' heur 'qu'in est à la pache
l'berdaleu suit vite ech mariache
i's'foët des miraqu's et assurémint
tout s'passe in peut l'dir 'comm'par inchant'mint
souvint il arriv 'qu'ein finme met au monne
a chinq ou six moës in fort biau gros jonne .
47) Ch'l'homme intre deux aches .
Y o qui pins 'nt qu'in rest 'toudis jonne
bin chés lo peut'nt es' détromper
ous verrez qu'après l' quarantonne
qu'ous l'avez comm'du pan trimpé
vou finme impatiant véyant vou mervelle
y mettre dé l'ger pour l'foir'monteu
et si l'ger n'foët rien parch'qu'elle est trop vielle
faura l'boudinoir pour et l'fourcheu .
48) Ech viu ménache .
In hiver dins ch' lit in s'approche
dins les bros d'l'in l'aute in s'accroche
pou'donneu ein zique ed caleur
et peut êt pou's' mette in ameur
mais i 'gel déhors et chés difficile
pour ech l'homme du moëns dé s'montrer habile
alors el 'finme dit sort 'dins l'cour min fiux
mets i 'le su l' f'nette et cha iro miux .
49) Ch'bottiau d'tercheu.
Ech dicton dit qu'in homme i peut
si l'hauch 'core un bottiau d'tercheu
continter facil'mint ein 'finme
et nous foire alleu au bapteime
j'ai des rus's à l'croire et vit ej'vous dis
qu'in n'peut pont autour d'in viux bigoudi
quand il est crignux et tout misérape
inrouleu autour deux indéfrisapes .
50) Ous sommes sinsipes.
Vir ein 'file in p'tit patalon
foir' du sport et juer au ballon
creuyez -vous qu'cha seuche in scandale
et vraimint contraire à l'normale?
ah ! pour sûr sur terre y o des gins vicieux
car i's n'pins'nt qu'au mal avouez ch'est honteux
pour min compte ej 'treuv'qu'ch'est inadmisipe
d'vant les gamp's d'eine finme d'ètes aussi sinsippe .
51) Chés instituteurs .
Dins chés gins païés à rien foire
tous chés maît 's d'école es 'post'nt lo
ous savez ch'n'est pon ein histoire
qu'i's travalt 'nt pont ein journée sur troués
et quand i's travalt 'nt faut les vir à l'euffe
in vo à l'foli j'ter ses patt's in l'air .
52) Chés postières.
Volez vous savoir des nouvelles?
à chés postièr's faut s'adrêcher
all's sont tous yus et orelles
ach''téléphone et d'vant ch'guichet
all's seut'nt chés nouvell's bien avant tout l'monne
jett'nt in oeul furtif in triant ch'courrier
in les voët toudis tout au long dé l's'monne
fur 'ter chés adrèch 's pour es 'rinsigner .
53) El nouvelle anneue.
Aujord'hui ch'est l 'nouvelle anneue
pour tertous ch'est ein 'bell 'journeue
ech n'est qu'ein fricesseu d'musiaux
in donn 'sin coeur in p 'tits morciaux
et tout l' matinéïe et tout l'armontouë
d'porte in port 'chés jonn 's souhait 'nt ein bonne anneuë
chés gins à la fin répond'nt tout bonn 'mint
j' t 'armerci min fiu j 'té l ' souait 'parell 'mint .
54) Saint Sébastien.
A ch' matin chés confreur 's in fête
part 'nt à l' messe ed le saint patron
a l 'sortie et l 'gross ' caisse in tête
vo les m 'ner foire in p' tit gueul 'ton
tous chés goss 's les suit 'nt pour avoir d 'el tarte
des gogu 's des oranch 's ou bien in chitron
et l 'jonn 'rein tout pâle o perdu la carte
dé s 'truver à l 'bros d 'in si biau garchon .
55) Ech consel ed révision .
Pour foir 'vir qu 'in est in bel homme
bien bâti et bon coq in somme
après l 'consel ed révision
in acate ein ' décoration
chés conscrits fin fier port 'nt su le poëtreine
bon pour el service ou bon pour chés finmes
chés -lo sont contints car i s ch 'ront soldats
chés'chi l 'sont cor plus beinne ed scélérats .
56) El chand 'leur .
A l 'chand 'leur fête ed la saint 'vierche
a ch 'l'église in bénit chés vierches
L 'armonteuë dins tout ' s chés masons
in s apprête à foir des ratons
in voët dins ch 'cuin d 'poèle el pât qu 'ell élièffe
et pis d 'temps in temps ech torchon s 'sulièffe
et quand ech tubin est à peu près plan
L 'patronn' s s' met in rout l' pièche d' argint dins s' man.
57) Ech bapteimme.
Attindons pour vire ech bapteimme
et ch 'l' éfant porteu pa l' sach' finme
il est lô tout rapouchiné
et i brait pour êt dandiné
chés jonn' crit'nt à liard 'afin qu'in leu jette
des dragé' s liqueur o bien à l 'nojette
si ch' parrain n' jett pont ,el marmall' qu'elle suit
cri pour es vinger " l' moro à nuit " .
58) Velle ed communion .
aujourd'hui tout Avesn' s flammique
tout partout el vaisseulle all' clique
car ed man ch' est chés communions
chés gins à la fin répond'nt tout bonn 'mint
j' t 'armerci min fiu j 'té l ' souait 'parell 'mint .
54) Saint Sébastien.
A ch' matin chés confreur 's in fête
part 'nt à l' messe ed le saint patron
a l 'sortie et l 'gross ' caisse in tête
vo les m 'ner foire in p' tit gueul 'ton
tous chés goss 's les suit 'nt pour avoir d 'el tarte
des gogu 's des oranch 's ou bien in chitron
et l 'jonn 'rein tout pâle o perdu la carte
dé s 'truver à l 'bros d 'in si biau garchon .
55) Ech consel ed révision .
Pour foir 'vir qu 'in est in bel homme
bien bâti et bon coq in somme
après l 'consel ed révision
in acate ein ' décoration
chés conscrits fin fier port 'nt su le poëtreine
bon pour el service ou bon pour chés finmes
chés -lo sont contints car i s ch 'ront soldats
chés'chi l 'sont cor plus beinne ed scélérats .
56) El chand 'leur .
A l 'chand 'leur fête ed la saint 'vierche
a ch 'l'église in bénit chés vierches
L 'armonteuë dins tout ' s chés masons
in s apprête à foir des ratons
in voët dins ch 'cuin d 'poèle el pât qu 'ell élièffe
et pis d 'temps in temps ech torchon s 'sulièffe
et quand ech tubin est à peu près plan
L 'patronn' s s' met in rout l' pièche d' argint dins s' man.
57) Ech bapteimme.
Attindons pour vire ech bapteimme
et ch 'l' éfant porteu pa l' sach' finme
il est lô tout rapouchiné
et i brait pour êt dandiné
chés jonn' crit'nt à liard 'afin qu'in leu jette
des dragé' s liqueur o bien à l 'nojette
si ch' parrain n' jett pont ,el marmall' qu'elle suit
cri pour es vinger " l' moro à nuit " .
58) Velle ed communion .
aujourd'hui tout Avesn' s flammique
tout partout el vaisseulle all' clique
car ed man ch' est chés communions
tout partout el vaisseule all'clique
et chés jonn' s font chés commissions
lo in cass des oeufs ,des oeufs par douzonnes
ichi in incrach 'des tourtièr 's à trouos
et drolo gramère an n' o bien des bonnes
a claquer ses loup' s in léquant ses douogts .
59) Chés communions.
A ch' matin el cloque all' rindonne
pour app' ler nous p' tits communiants
qui s' faufill' nt au mitan d' tout l' monne
arnéqués pire éque' des mariant
in fon's dins ch' l'égliss ' drouot sur ein caïelle
chés jonn' s vont dins ch' choeur in vierch din le man
et ein heure après in pique à l' corbelle
rimpli d'pan bénit pour calmer es' fan .
60) In tire chés gaies.
chaque anneuë el lindi d' peinn' coute
ch'est la mote' d'abatt 'chés ojeaux
nou confreur' boët ein dernièr' goutte
pour raferchir ses longs boïaux
et seul 'mint après à mitan brind' zinque
dins ch'pré mon ch' tit Chal's contint i s'in vo
ch'est quand meim bizarr' des gai's j'in croës chinque
pourtant j' pinsoës bien qui n' in avouët qu'trouos .
61) L'artraite aux flambeaux .
El quatorz'juillet comme in ville
début par l'artraite aux flambeaux
toute ein bind su'ch pavé défile
in portant lampions et drapeaux
chés pompiers in têt fris' nt leu moustache
in marchant lo rait' s comm' des vrais bâtons
et chés musiciens ch'est un avantache
comme in n' voët pont clair jut 'nté sans cartons .
62) El quatorze juillet .
Su l'grand rue au quatorze juillet
in raviss' passeu ch'défilé
tout's nous bell' s sociétés d'Avesnes
pou's 'ch' jour lo sort 'nt leus plus bell's pleimmes
et pis à l'mairie in vo r'mett' sin coeur
aveuc des gâtiaux et un vin d'honneur
après in concert vraimint artistique
est donné'su' l'plach par tout el musique.
63) Ch'concours ed minteux .
Chés minteux i faut les inteinne
sortir des blagu's à leu concours
comm'conneri's in n' peut pont préteinne
truver miux dins chés alintours
l'in parlant d'ein ' puch déclar' vir ses crottes
in aut ' peut picher au-d'ssus d' ech cloquer
alors in trosième pus malin qu'chés autes
peut câté in pou est lo ch'est l'bouquet .
.........................
Le 7 novembre 1982 .
Après l'audition remarquable du concert artistique offert par "La Cécilienne" en l'église Saint Nicolas d'Avesnes le comte ,ceci à été écrit par Pierre Sébert membre des rosatis .
-------
Refrain modifié pour la circonstance et sur l'air d'el canchon d'Avesnes .
Refrain:
La Cecilienne
ch'est l' bijou d'Aveinnes
connue dins l' région
pour es dictinction
la Cécilienne
ch'est l' chouchou d' Aveinnes
première d' el région
sans hésitation .
Couplets :
1)
Nous musique anim'tous chés fêtes
ed chés saints o bien d' chés prophètes
chaque anneuïe all' donne un concert
in régal in sapré dessert
cha' s pass' dins ch'l'églisse u qu'el monne es presse
ech' jour lô cha canche aveuc'nt el grand'messe
et pus d'mill'mordus accout 'nt ébahis
chés artiss 'd'Aveinn 's fiers ed leu païs .
2)
Ed chés musiciens d'avant guerre
bien des jonne's ont sui leu poussière
in restant dign's ed chés anciens
ous talonnons chés Parisiens
car ed pluss in pluss dins chés alintours
in vient à Aveinn's prêter sin concours
et avant longtemps eus cant 'rons victoire
ous èrons ichi nou conservatoir .
3)
Presque chint bonhomm's à conduire
aveuc grâce et aussi l'sourire
ch'traval ed louis Martin
in grand chef pont in cabotin
chaquin suit des yux es pétit 'baguette
ech cha march tout seul comm su 'des roulettes
toudis chés nanall's 'y mett 'nt tout leu coeur
quand i faut d'aveinn's défeinne ech'l'honneur .
4)
Souhaitons qu'nou Cécilienne
euche ed man gamint d'musiciennes
qu'all nou offe incor des concerts
des biaux choeurs et des nouviaux airs
i foroët aussi pour pluss ed préstance
donneu à tertous pour el circonstance
in chouette uniform 'tout plan distinctions
et les vir 'bientôt al télévision .
5)
Quand in m'intérro à Aveinnes
ej voroës déjo vous appreine
plutot qu'des couronn 'et des fleurs
j'veux del musique et pis des choeurs
j'intinds résonneu des bass's des trompettes
tambours et saxos et des clarinettes
ouais n'in n'o rien d'miux ch'est mi qui vous l'dis
d' alleu in musique jusqu'au paradis .
......................................
ajout d'un couplet suite au jumelage d'Avesnes le comte et de Livernon
des CTAM .
Refrain :
Dans le quercy il y a des moutons
Du côté d'Figeac il y a Livernon
Ces causses superbes il y a l'amitié
que les Avesnois n'ont pas oubliés
couplet :
Ech jum'lage est bien paraphé
Albert Jacques l'on tout deux signés
Combattants et ch'est conseillers
Porte drapeau et sapeurs pompiers
Jean Paul Ménagé et Albert Decoin
Nous ont réunis ce dimanche matin
Su'l'place du village il y a les amis
c'est l'coeur plein de joie qu'nous sommes repartis .
Par André Cannone le 22 octobre 2015.
&&&&&&&&&&
(soit au total 87 couplets )
et chés jonn' s font chés commissions
lo in cass des oeufs ,des oeufs par douzonnes
ichi in incrach 'des tourtièr 's à trouos
et drolo gramère an n' o bien des bonnes
a claquer ses loup' s in léquant ses douogts .
59) Chés communions.
A ch' matin el cloque all' rindonne
pour app' ler nous p' tits communiants
qui s' faufill' nt au mitan d' tout l' monne
arnéqués pire éque' des mariant
in fon's dins ch' l'égliss ' drouot sur ein caïelle
chés jonn' s vont dins ch' choeur in vierch din le man
et ein heure après in pique à l' corbelle
rimpli d'pan bénit pour calmer es' fan .
60) In tire chés gaies.
chaque anneuë el lindi d' peinn' coute
ch'est la mote' d'abatt 'chés ojeaux
nou confreur' boët ein dernièr' goutte
pour raferchir ses longs boïaux
et seul 'mint après à mitan brind' zinque
dins ch'pré mon ch' tit Chal's contint i s'in vo
ch'est quand meim bizarr' des gai's j'in croës chinque
pourtant j' pinsoës bien qui n' in avouët qu'trouos .
61) L'artraite aux flambeaux .
El quatorz'juillet comme in ville
début par l'artraite aux flambeaux
toute ein bind su'ch pavé défile
in portant lampions et drapeaux
chés pompiers in têt fris' nt leu moustache
in marchant lo rait' s comm' des vrais bâtons
et chés musiciens ch'est un avantache
comme in n' voët pont clair jut 'nté sans cartons .
62) El quatorze juillet .
Su l'grand rue au quatorze juillet
in raviss' passeu ch'défilé
tout's nous bell' s sociétés d'Avesnes
pou's 'ch' jour lo sort 'nt leus plus bell's pleimmes
et pis à l'mairie in vo r'mett' sin coeur
aveuc des gâtiaux et un vin d'honneur
après in concert vraimint artistique
est donné'su' l'plach par tout el musique.
63) Ch'concours ed minteux .
Chés minteux i faut les inteinne
sortir des blagu's à leu concours
comm'conneri's in n' peut pont préteinne
truver miux dins chés alintours
l'in parlant d'ein ' puch déclar' vir ses crottes
in aut ' peut picher au-d'ssus d' ech cloquer
alors in trosième pus malin qu'chés autes
peut câté in pou est lo ch'est l'bouquet .
.........................
Le 7 novembre 1982 .
Après l'audition remarquable du concert artistique offert par "La Cécilienne" en l'église Saint Nicolas d'Avesnes le comte ,ceci à été écrit par Pierre Sébert membre des rosatis .
-------
Refrain modifié pour la circonstance et sur l'air d'el canchon d'Avesnes .
Refrain:
La Cecilienne
ch'est l' bijou d'Aveinnes
connue dins l' région
pour es dictinction
la Cécilienne
ch'est l' chouchou d' Aveinnes
première d' el région
sans hésitation .
Couplets :
1)
Nous musique anim'tous chés fêtes
ed chés saints o bien d' chés prophètes
chaque anneuïe all' donne un concert
in régal in sapré dessert
cha' s pass' dins ch'l'églisse u qu'el monne es presse
ech' jour lô cha canche aveuc'nt el grand'messe
et pus d'mill'mordus accout 'nt ébahis
chés artiss 'd'Aveinn 's fiers ed leu païs .
2)
Ed chés musiciens d'avant guerre
bien des jonne's ont sui leu poussière
in restant dign's ed chés anciens
ous talonnons chés Parisiens
car ed pluss in pluss dins chés alintours
in vient à Aveinn's prêter sin concours
et avant longtemps eus cant 'rons victoire
ous èrons ichi nou conservatoir .
3)
Presque chint bonhomm's à conduire
aveuc grâce et aussi l'sourire
ch'traval ed louis Martin
in grand chef pont in cabotin
chaquin suit des yux es pétit 'baguette
ech cha march tout seul comm su 'des roulettes
toudis chés nanall's 'y mett 'nt tout leu coeur
quand i faut d'aveinn's défeinne ech'l'honneur .
4)
Souhaitons qu'nou Cécilienne
euche ed man gamint d'musiciennes
qu'all nou offe incor des concerts
des biaux choeurs et des nouviaux airs
i foroët aussi pour pluss ed préstance
donneu à tertous pour el circonstance
in chouette uniform 'tout plan distinctions
et les vir 'bientôt al télévision .
5)
Quand in m'intérro à Aveinnes
ej voroës déjo vous appreine
plutot qu'des couronn 'et des fleurs
j'veux del musique et pis des choeurs
j'intinds résonneu des bass's des trompettes
tambours et saxos et des clarinettes
ouais n'in n'o rien d'miux ch'est mi qui vous l'dis
d' alleu in musique jusqu'au paradis .
......................................
ajout d'un couplet suite au jumelage d'Avesnes le comte et de Livernon
des CTAM .
Refrain :
Dans le quercy il y a des moutons
Du côté d'Figeac il y a Livernon
Ces causses superbes il y a l'amitié
que les Avesnois n'ont pas oubliés
couplet :
Ech jum'lage est bien paraphé
Albert Jacques l'on tout deux signés
Combattants et ch'est conseillers
Porte drapeau et sapeurs pompiers
Jean Paul Ménagé et Albert Decoin
Nous ont réunis ce dimanche matin
Su'l'place du village il y a les amis
c'est l'coeur plein de joie qu'nous sommes repartis .
Par André Cannone le 22 octobre 2015.
&&&&&&&&&&
(soit au total 87 couplets )
