. In fouo chou k'in peut .
O savez ech 'grand Challe , qu'il éteu marichau
A 60 ans taleur , core drouo comme in janne hamme
I 'rloukouo l'long du jour su s'n' inclimme à rouo bro
Kin intindeu ch' martièwe jusqu'à din l'fond des Kane * (* Fond de fosseux vers le bois lieu-dit "la chaine" )
quand y fajeu méchant à alleu din chés terres
Kin n'poyeu pont hercher , rondleu ou binoteu
In rabindlouo al forge pour in boulon kin r'serre
Pour foire ferrer sin kvo ou bien sin calaudeu
Inne fouo par temps d'inrnu , qui pluvouo à cloquettes
Pindant k'Challe y sacouo su l'peugnée d'sin souffleu
Pi épotrouo sin fer tout rouche din ses pinchettes
In janne nazier y dit d'in air ed persiffleu
"Kouo ket 'fouo marichou , in bout d'fer ch'est casvel !
Ej 'vorreu bien savoir chou ket 'to fabriquer"
"Ben min fiu , j'met tel dire pou l'momin ch'est inne pelle
Pi si cha s'éberzille , bien j'in frai in fourquet " .
R. Ducroquet .
.......................................
Petites histoires .
Quel joli village vous habitez là mon brave
Avec tout ces vieux murs et ces petits chemins
Qu'il est puissant ce lierre grimpant que rien n'entrave
Et qui s'accroche aux pierres comme avec les deux mains .
"Chés murs qu'o véyez lo , cha n'est qu'du paillotis
Ek ch'est min grand tayon na ach't'heure pu d'chint ans
Pour loger tout s'famille , i 'les avouo bâti
Aveuc del terre , du bo , sin corache pi ses mains " .
&&&
Vous avez le bon air , de nombreux animaux
Et un troupeau de boeufs dont vous étes bien fier !
" Ch'est sur qu'ej respire bien à néttier ché bouzo
O n'ai qu'à v'nir saquer d'man ché litières" .
&&&
Ces haies de blanc sureau et ces buissons d'épine
Qui font comme un écrin à votre maisonnette !
"Ben ché mi qui les cope et pi i faut qu'ej trime
Aveuc em'trinchonnoire min fermé pi m'serpette" .
&&&
Voilà des papillons et cette petite abeille
qui butine gentiment le suc du larmier blanc !
" Attintion à vou douo , inne vêpe ché pon parel
O pourrouotte bien avoir vou pouche comme in n'ti pan ".
&&&
Nous autres ,gens de la ville , nous nous sommes éloignés
De ce qui vous entoure , des choses de la nature
Nous ne connaissons plus les simples dont vous soignez
Les maux de toutes sortes mais en architecture !!! ....
Je peux vous assurer que l'église aux murs blancs
Et du style ogival ça se voit du dehors .
Mais dites-moi mon brave est ce qu'on enterre souvent ?
"Ben min n'homme ej vous crouo bien k'ch'est chaque fouo k'na in mort " .
R. Ducroquet .
..............................
El patouo à l'école .
In ne foué , in bio mnsiu , aveuc in bio capio
Des lifes ed zou sin bro , su sin nez des leunettes
Arrive à nou villache ,mi j'avouo mi m'casquette
Em'vièle maran'ne ed d'vlour et pi mes gros chabots .
I volouo cinsémint équ'j'y palle el patouo :
"Faites donc un p'tit poème ou bien une chansonnette !"
Comme j'en 'au pont à l'ver , tout d'in kiwe ej m'arrête
Pi j'appouoye em 'brouette , tout du long d'ech ruyo.
O z'ai passeu vou vie min n'homme , din vou z'écoles,
A vou monquer d'nou z'autes , forche qu'in éteu bébétes
J'ai même inrchu in'ne foué in'sacrée dérinette
Equ'j'avoué dit in n'gobe , qui falloué dire in'ne bel .
A ct'heure , in ravisant tout chou qu'e z'avez fouo
Equ'chés jan'nes d'aujourd'hui qui n' pall'té pu parel
Et qui n'seutent pu chou qu'ch'est del soupe à surelle.
Vous vlo tout épeuté et o courrez mawe.
On r'cache après chés mots comme on cache in viu meupe
Pi après in adore tout chou qu'in a brûlé
Fagez Mea Culpa , o n'chré pont pardonné
Car el Picart , m'in homme , ch'éteu l'langage d'in peupe .
Heureus'mint qu'in dit core moussoile pour in'ne belette
Ek del palle ch'est d'l' étran , qu'nou chef-liu ch'est Arro
Nou patouo n'est pont mort ,ch'est sur , tant qu'in éro
Du bouze à ses pieds pi du lard din s'tinette .
Auteur ............?
..............................
Quand in busi .
Ché in bon garchon . I keur toudi et pi nous racont'des histoir qu'in li din l'gazett qu'in
archu tout les verdis . I seu parler el' patouo , mais pour l'écrir ché pont si fascile .
Y o in coup'ed ' jour j'avouo vu in film d'amour à la télé , je m'couch'et j'm'artourne
in par ed fouo et j' comminche à buser.
Jé m'di pourqouo nou écrivain nou racont 'pouont des histoir' ed maguett ?
A propos nin no ti incor ed'maguett à Avesnes ?
Din l'timp quand in ,'in tuo inne ,tout l'mond mingouo d'el maguett , ché si bon !
A forch ed m'artourné , je m'su indormi et jé révé qué'j 'mingeouo des maguett ,ej fajouo in cher du diap ,cha chés un rév .
Ech Nanal .
................................
Ech codaco d'em gramère .
M'gramère qu'al est morte vièle ,a n'aveu jamouo eu
Ed codaco si bio . L'ti fieu d'in batillard.
I cantouo bien d'vant l'jour , su ch'fien comme un perdu.
Pi pourkachouo tout z'autes car ch'étouo in pillard .
quand i l'm'nouo ses glaines décharteu d'in ch'gardin
Gramère à l'déblayouo , ben i s'jechteu sur elle
Ses éprons in avant , ses ailes comme in molin
"tin vo pont foire pourette core inn fouo din l'surelle !!"
Dé l'bass 'cour ch'éteu ch'rouo , aveuc ses longues babaches
In' ne épeute pour tertous et même pou ch'gro codin
Pindant plusieurs années , in n'a pont vu d'agache
D'dévoleu din ch'courtil pour minger chés pouchins
Inne fouo , al déjeunée gramère qu'al pindeu s'soupe
Pa l'porte interbaillée , al aperchu sin co
Ramonchlé su ch'trotoir , din ché tubins à moute
Pi ses deux pattes inchpées d'in ch'bouquet d'haricot
" Miséricorde" ! min co , v'la qu'il a in co d'sang !
Ta pont l'air crane min fiu , ti k'té cantouo si fort !
A vire té parti louon , j'm'in vais , in dégrouillant
Inkère min grand coutio , pi t'tuer d'ant qu'té seuche mort
suptil 'mint v'la ch'co tué , et bien vite dépleumé
I n'resteu pu à m'zure qu'al vidier d'ses boyaux
I pèse au moins 8 lifes , pi l'aveu bien mingé
I douo pour sur avoir inne rute boite à caillo
Mais quouo qu'il a d'un s'gave ? ben ch'chi , ch'est cor pu fort !
Au lieu d'minger d' l'avanne et pi d'l'herpe din l'pature
Vla qu't'a pluké su ch'fien et chest lo qu't'a eu tort
Ta mingé des greujelles pi pris inne bonne bourrure !
Ch'éteu des greujelles noires comme j'aveu fouo du douche
Pi via qu'il à tout mié es gave a n' néteu grosse
Jé n'pinseu pon clo d'ti espèce ed 'sainte Nitouche
I n'éteu mi malate min co .............il éteu rosse .
R. Ducroquet .
............................
L'jonne veufe .
Ein 'jonn'feimme , veufe ed trouos jours
Fajoët ein'masse ed 'discours
A des braf's gins qui l'acoutoëtent
Et , compatichants el' plandoëtent
Amèr'mint brayant su 'sin sort
All'voloët la mort ou tout comme
"Ch'étouët pour mi in si bouon homme
Min coq leut , min coeur , min trésor !
Plus jamoës d'ma vi 'j'n'rirai
Et aveuc li ej 'm'in irai"
In l'ravisant braire ed 'la sorte
Ess voëseinne all 'li dit " Pourquoë vous foir 'morir."
Et l'veufe si vit répond : "Mais jé n'sus pont si sotte
Si j'breus , ch'est qu'ej m'in vo languir
ch'est si difficil' d'n' truvoir in aute ! "
P. Sébert
&&&&&&&&&&&&&&&&&&&&&&
( en espérant en trouver d'autres )
(cliquez pour agrandir )
O savez ech 'grand Challe , qu'il éteu marichau
A 60 ans taleur , core drouo comme in janne hamme
I 'rloukouo l'long du jour su s'n' inclimme à rouo bro
Kin intindeu ch' martièwe jusqu'à din l'fond des Kane * (* Fond de fosseux vers le bois lieu-dit "la chaine" )
quand y fajeu méchant à alleu din chés terres
Kin n'poyeu pont hercher , rondleu ou binoteu
In rabindlouo al forge pour in boulon kin r'serre
Pour foire ferrer sin kvo ou bien sin calaudeu
Inne fouo par temps d'inrnu , qui pluvouo à cloquettes
Pindant k'Challe y sacouo su l'peugnée d'sin souffleu
Pi épotrouo sin fer tout rouche din ses pinchettes
In janne nazier y dit d'in air ed persiffleu
"Kouo ket 'fouo marichou , in bout d'fer ch'est casvel !
Ej 'vorreu bien savoir chou ket 'to fabriquer"
"Ben min fiu , j'met tel dire pou l'momin ch'est inne pelle
Pi si cha s'éberzille , bien j'in frai in fourquet " .
R. Ducroquet .
.......................................
Petites histoires .
Quel joli village vous habitez là mon brave
Avec tout ces vieux murs et ces petits chemins
Qu'il est puissant ce lierre grimpant que rien n'entrave
Et qui s'accroche aux pierres comme avec les deux mains .
"Chés murs qu'o véyez lo , cha n'est qu'du paillotis
Ek ch'est min grand tayon na ach't'heure pu d'chint ans
Pour loger tout s'famille , i 'les avouo bâti
Aveuc del terre , du bo , sin corache pi ses mains " .
&&&
Vous avez le bon air , de nombreux animaux
Et un troupeau de boeufs dont vous étes bien fier !
" Ch'est sur qu'ej respire bien à néttier ché bouzo
O n'ai qu'à v'nir saquer d'man ché litières" .
&&&
Ces haies de blanc sureau et ces buissons d'épine
Qui font comme un écrin à votre maisonnette !
"Ben ché mi qui les cope et pi i faut qu'ej trime
Aveuc em'trinchonnoire min fermé pi m'serpette" .
&&&
Voilà des papillons et cette petite abeille
qui butine gentiment le suc du larmier blanc !
" Attintion à vou douo , inne vêpe ché pon parel
O pourrouotte bien avoir vou pouche comme in n'ti pan ".
&&&
Nous autres ,gens de la ville , nous nous sommes éloignés
De ce qui vous entoure , des choses de la nature
Nous ne connaissons plus les simples dont vous soignez
Les maux de toutes sortes mais en architecture !!! ....
Je peux vous assurer que l'église aux murs blancs
Et du style ogival ça se voit du dehors .
Mais dites-moi mon brave est ce qu'on enterre souvent ?
"Ben min n'homme ej vous crouo bien k'ch'est chaque fouo k'na in mort " .
R. Ducroquet .
..............................
El patouo à l'école .
In ne foué , in bio mnsiu , aveuc in bio capio
Des lifes ed zou sin bro , su sin nez des leunettes
Arrive à nou villache ,mi j'avouo mi m'casquette
Em'vièle maran'ne ed d'vlour et pi mes gros chabots .
I volouo cinsémint équ'j'y palle el patouo :
"Faites donc un p'tit poème ou bien une chansonnette !"
Comme j'en 'au pont à l'ver , tout d'in kiwe ej m'arrête
Pi j'appouoye em 'brouette , tout du long d'ech ruyo.
O z'ai passeu vou vie min n'homme , din vou z'écoles,
A vou monquer d'nou z'autes , forche qu'in éteu bébétes
J'ai même inrchu in'ne foué in'sacrée dérinette
Equ'j'avoué dit in n'gobe , qui falloué dire in'ne bel .
A ct'heure , in ravisant tout chou qu'e z'avez fouo
Equ'chés jan'nes d'aujourd'hui qui n' pall'té pu parel
Et qui n'seutent pu chou qu'ch'est del soupe à surelle.
Vous vlo tout épeuté et o courrez mawe.
On r'cache après chés mots comme on cache in viu meupe
Pi après in adore tout chou qu'in a brûlé
Fagez Mea Culpa , o n'chré pont pardonné
Car el Picart , m'in homme , ch'éteu l'langage d'in peupe .
Heureus'mint qu'in dit core moussoile pour in'ne belette
Ek del palle ch'est d'l' étran , qu'nou chef-liu ch'est Arro
Nou patouo n'est pont mort ,ch'est sur , tant qu'in éro
Du bouze à ses pieds pi du lard din s'tinette .
Auteur ............?
..............................
Quand in busi .
Ché in bon garchon . I keur toudi et pi nous racont'des histoir qu'in li din l'gazett qu'in
archu tout les verdis . I seu parler el' patouo , mais pour l'écrir ché pont si fascile .
Y o in coup'ed ' jour j'avouo vu in film d'amour à la télé , je m'couch'et j'm'artourne
in par ed fouo et j' comminche à buser.
Jé m'di pourqouo nou écrivain nou racont 'pouont des histoir' ed maguett ?
A propos nin no ti incor ed'maguett à Avesnes ?
Din l'timp quand in ,'in tuo inne ,tout l'mond mingouo d'el maguett , ché si bon !
A forch ed m'artourné , je m'su indormi et jé révé qué'j 'mingeouo des maguett ,ej fajouo in cher du diap ,cha chés un rév .
Ech Nanal .
................................
Ech codaco d'em gramère .
M'gramère qu'al est morte vièle ,a n'aveu jamouo eu
Ed codaco si bio . L'ti fieu d'in batillard.
I cantouo bien d'vant l'jour , su ch'fien comme un perdu.
Pi pourkachouo tout z'autes car ch'étouo in pillard .
quand i l'm'nouo ses glaines décharteu d'in ch'gardin
Gramère à l'déblayouo , ben i s'jechteu sur elle
Ses éprons in avant , ses ailes comme in molin
"tin vo pont foire pourette core inn fouo din l'surelle !!"
Dé l'bass 'cour ch'éteu ch'rouo , aveuc ses longues babaches
In' ne épeute pour tertous et même pou ch'gro codin
Pindant plusieurs années , in n'a pont vu d'agache
D'dévoleu din ch'courtil pour minger chés pouchins
Inne fouo , al déjeunée gramère qu'al pindeu s'soupe
Pa l'porte interbaillée , al aperchu sin co
Ramonchlé su ch'trotoir , din ché tubins à moute
Pi ses deux pattes inchpées d'in ch'bouquet d'haricot
" Miséricorde" ! min co , v'la qu'il a in co d'sang !
Ta pont l'air crane min fiu , ti k'té cantouo si fort !
A vire té parti louon , j'm'in vais , in dégrouillant
Inkère min grand coutio , pi t'tuer d'ant qu'té seuche mort
suptil 'mint v'la ch'co tué , et bien vite dépleumé
I n'resteu pu à m'zure qu'al vidier d'ses boyaux
I pèse au moins 8 lifes , pi l'aveu bien mingé
I douo pour sur avoir inne rute boite à caillo
Mais quouo qu'il a d'un s'gave ? ben ch'chi , ch'est cor pu fort !
Au lieu d'minger d' l'avanne et pi d'l'herpe din l'pature
Vla qu't'a pluké su ch'fien et chest lo qu't'a eu tort
Ta mingé des greujelles pi pris inne bonne bourrure !
Ch'éteu des greujelles noires comme j'aveu fouo du douche
Pi via qu'il à tout mié es gave a n' néteu grosse
Jé n'pinseu pon clo d'ti espèce ed 'sainte Nitouche
I n'éteu mi malate min co .............il éteu rosse .
R. Ducroquet .
............................
L'jonne veufe .
Ein 'jonn'feimme , veufe ed trouos jours
Fajoët ein'masse ed 'discours
A des braf's gins qui l'acoutoëtent
Et , compatichants el' plandoëtent
Amèr'mint brayant su 'sin sort
All'voloët la mort ou tout comme
"Ch'étouët pour mi in si bouon homme
Min coq leut , min coeur , min trésor !
Plus jamoës d'ma vi 'j'n'rirai
Et aveuc li ej 'm'in irai"
In l'ravisant braire ed 'la sorte
Ess voëseinne all 'li dit " Pourquoë vous foir 'morir."
Et l'veufe si vit répond : "Mais jé n'sus pont si sotte
Si j'breus , ch'est qu'ej m'in vo languir
ch'est si difficil' d'n' truvoir in aute ! "
P. Sébert
&&&&&&&&&&&&&&&&&&&&&&
( en espérant en trouver d'autres )
(cliquez pour agrandir )
